Տեղի է ունեցել «Հայ-իրանական հարաբերությունները 1991-2005 թթ․» գրքի շնորհանդեսը

15 փետրվարի, 2024

Փետրվարի 9-ին ՀՀ ԳԱԱ պատմության ինստիտուտի նիստերի դահլիճում տեղի է ունեցել ԳԱԱ պատմության ինստիտուտի գիտաշխատող, պ․գ․թ․ Կարեն Մկրտչյանի «Հայ-իրանական հարաբերությունները 1991-2005 թթ․» գրքի շնորհանդեսը։

Շնորհանդեսին ՀՀ ԳԱԱ պատմության ինստիտուտի տնօրեն Աշոտ Մելքոնյանը պատմական ակնարկ է ներկայացրել երկու երկրների հարաբերությունների մասին։ Ելույթներով հանդես են եկել ՀՀ ԳԱԱ պատմության ինստիտուտի Հայ գաղթօջախների և Սփյուռքի պատմության բաժնի վարիչ, պ.գ.դ., պրոֆեսոր Գևորգ Ստեփանյանը, ՀՀ ԳԱԱ գիտությունների և հայագիտության բաժնի ակադեմիկոս Յուրի Սուվալյանը, դիվանագետ, պ․գ․թ․ Գրիգոր Առաքելյանը, ով նաև գրքի գրախոսն է, այլոք։

Հեղինակը գրքի ստեծման համար 10-11 տարի տրամադրել է հայ-իրանական հարաբերությունների ուսումնասիրությանը։

«Անդրադարձել եմ Իրանի հայ համայնքի ազդեցիկ գործիչների ունեցած ներդրումներին՝ երկու երկրների հարաբերություններում։ 20 կամ 30 տարվա վաղեմություն ունեցող դեպքերը, այսօր պատմական նշանակություն ունեն, բայց մյուս կողմից՝ արդիական նշանակություն, որովհետև այս հարաբերությունները միայն մամուլի էջերում և պատմության մեջ չեն մնացել, այսօր էլ գործոն են»,- ասել է հեղինակը։

https://yerkir.am/hy/article/2024/02/09/24993?fbclid=IwAR293Em2OddxnjvM3uw-IZePjQjAICcLIfhZGL6dzwWxD_yXc904owmAN4E

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր